Bidasoako harrobiko taldeetan izena eman daiteke
Interesdunak infantil taldeetara eta eskubaloi eskolara apunta daitezke. Klubak inprimaki batzuk argitaratu ditu izen-emateetarako.
Ikasturte berria hastear da, eta Bidasoa Irunek zabalik du oraindik bere harrobiko taldeetara izena emateko epea. Interesdunak, zehazki, infantil taldeetara eta eskubaloi eskolara apunta daitezke.
Izen-emateak errazteko helburuarekin, klub irundarrak inprimaki batzuk argitaratu ditu interesdunek bete ditzaten.
- Eskubaloi eskola (2012 eta 2015 urteen artean jaiotakoak).
- Infantil neskak (2010 eta 2011n jaiotakoak).
- Infantil mutilak (2010 eta 2011n jaiotakoak).
Informazio gehiagorako, Bidasoak helbide elektronikoa eta 943 62 52 85 telefonoa jarri ditu familien eskura.
Ligara begira
Bidasoako gizonen talde nagusiak bihar itxiko du denboraldi aurrea, hurrengo asteburuan hasiko baitute Asobal Liga. Estreinako partidako arerioa ez da makala izango, azken urteetan nagusi izan den Bartzelonak bisitatuko baitu Artaleku datorren larunbatean (irailak 9, 16:45ean). Bien bitartean, irundarrek bihar jokatuko dute denboraldi aurreko azken lagunarteko partida Billère Handball Pau-Pyrenées taldearen aurka, 19:00etan, Paun.
Bestalde, Asobal Ligako hirugarren jardunaldiko ordutegiak iragarri dituzte. Bidasoak Recoletas Atletico Valladolid jasoko du Artalekun irailaren 22an, ostirala, 20:00etan.
