Hondarribia AEk ontzat eman du patroi onenaren saria emateko erabili den prozedura
Aurtengo patroi onenaren saria jasotzeko zer nolako araudia erabiltzen duten galdetu du klubak, izan ere, saririk gabe geratu den Miren Garmendiak patroi irabazleak bezain beste puntu eskuratu ditu.
Hondarribia Arraun Elkarteak joan den astean ACT elkarteari egindako eskaerak erantzuna izan duela jakinarazi du klubak. Honetan eskatu zuten Euskotren Ligako patroirik onena saritzeko zer nolako araua erabiltzen duten. Izan ere, sari hori lortu duen Nerea Perezek bezain beste puntu lortu ditu taldeko Miren Garmendiak, eta hondarribiarra lehen postu horretatik kendu dute, Donostiarrak taldeko kirolari emanez.
ACTk argudiatu duenez, ez dago inolako araurik sari hau erregulatzeko, eta 2010an kasu antzeko batean hartutako jarrera berbera izan dutela argudiatu dute. Azalpen hauen aurrean, konpondutzat eman du afera Hondarribia AEk, eta azken sailkapen hori ontzat eman du klubak.
Dena den, datorren denboraldia hasi aurretik araudi bat aurkezteko eskatu diote ACTri, sari hori nolabait erregulatu dezaten.
