Haur Danborradan parte hartzeko izena eman daiteke jada
Jaietarako bi aste eskas falta diren honetan, Amute/Kosta auzo elkartea motorrak berotzen hasi da. Irailaren 4 eta 5ean entseguak egingo dituztela iragarri dute.
Gurasoei danborradaren atzetik joateko eskatu diete Amute/Kosta auzo elkarteak dena prest du aurtengo Haur Danborradarako, jaietarako bi aste eskas falta diren honetan motorrak berotzen hasi dira. Datorren irailaren 4an eta 5ean (astelehen eta asteartean) entseguak egingo dituztela iragarri dute, eta 7an helduko da egun handia.
Irailaren 4ko saioa Amuteko lokalean egingo dute, 18:00etatik 19:00etara. 5ekoan aldiz, danborren banaketa egingo dute, lokalean ere (ordutegi berberean).
Hilaren 7an danbor hotsez beteko dituzte herriko kaleak. 11:00etan sabelak ondo beteko dituzte partaideek, ondoren, 11:15ak inguruan, desfileari ekiteko.
Aurtengo danborradan parte hartu nahi dutenek lotura honen bidez egin beharko dute izen ematea, izen-abizenak, adina, helbidea eta telefonoa jarrita.
