Eskolako materiala erosteko laguntza jasoko dute irundarrek
Irailaren 29ra bitarte eska daitezke aurtengo Erosi eta Ikasi programako laguntzak. Erosketen fakturak gordetzeko eskatu du udalak.
Eskola jantziak, idazketa materiala, liburuak eta eta bestelakoak finantza daitezke 'Erosi eta ikasi' programaren bitartez. Hamargarren urtez jarraian, Irungo Udalak Erosi eta Ikasi laguntza deialdia zabaldu du, herritarrei hiriko saltokietan eskola materiala erosten laguntzeko. Irailaren 29ra bitarte izango da martxa kanpaina, eta familiek 150 eurorainoko bonuak jaso ahal izango dituzte. 200.000 euroko aurrekontua izango du udalak honetarako.
Udalak gogorarazi du garrantzitsua dela egiten diren erosketen fakturak gordetzea. Joan den ekainaren 22tik irailaren 29ra bitartean egindako erosketak lagunduko dituzte.
Hiru laguntza mota emango dituzte; 27.000 euroraino diru sarrera gordinak dituzten familia unitateek 150 euro jasoko dituzte; bigarren tartean, ikasle bakoitzeko 125 euroko laguntzak emango dituzte 39.500 eurorainoko sarrerak dituztenentzat; hirugarren tartean berriz, 100 eurokoak izango dira laguntzak, 52.000 eurorainoko sarrera gordinak dituztenentzat.
Programa haurrak Irunen erroldatuta dituzten gurasoentzako izango da, Derrigorrezko Hezkuntzako ikasleentzako hain zuzen (LH, DBH eta Oinarrizko LH).
Eskaerak egiteko lotura honetara jo daiteke, edo bestela, HAZ zerbitzura.
