Bidasoa ibaiaren jaitsiera, irailaren 1ean
Parte hartu nahi dutenek izena eman beharko dute aurretik. Aurten ere egun osoko egitaraua prestatu du Santiagotarrak klubak.
Bidasoako Jaitsieraren irudi bat. Argazkia: J.M. Anatol. Datorren irailaren 1ean (ostirala da) Bidasoa ibaia piraguistaz beteko da, urteroko jaitsiera egingo baitute dozenaka lagunek. Aurten ere egun osoko egitaraua prestatu du Santiagotarrak klubak.
15:00etan jarri dute hitzordua, klubeko instalazioetan bilduko dira partaide guztiak. Bainujantzia, kirol kamiseta, eskarpinak edota oinetako zaharrak eramateko gomendioa eman du klubak. Piraguak, palak eta gainerakoak Santiagotarrakek jarriko ditu. Material guztia jaso ondoren, Endarlatsara joango dira, furgonetan.
16:00etan hasiko dira jaitsierekin, eta 18:30ak inguruan aurreikusi dute iritsiko direla kirolariak Santiagotarraken egoitzara. Ondoren, luntxa egingo dute Bidassoa Basque Breweryn.
Jaitsieran parte hartu nahi dutenek helbide honetara idatzi edota 943 63 20 56 telefono zenbakira deitu beharko dute.
