Danontzat Gastrotekak irabazi du Erdi Aroko Pintxo onenaren saria
Itsaso, baso eta mendi kutsua izan dute lehiaketara aurkeztutako pintxoek. Aurtengo maila "oso altua" izan dela nabarmendu du epaimahaiak.
Gorka Irrisarri Erdi Aroko pintxo onenaren sariarekin epainahaikideez inguratuta. Joan den astean izan zen XIV. Erdi Aroko Pintxoaren astea. Tarte horretan, hondarribiarrek bertako 12 jatetxe eta tabernetako pintxoak dastatu ahal izan dituzte. Gaur goizean pintxo lehiaketaren sari banaketa egin dute. Erdi Aroko pintxo onena eta herritarren saria banatzeaz gain, Laguardian (Araba) asteburua pasatzeko aukera zozketatu dute ere.
Sari banaketari hasiera emateko parte hartzeaz aritu da Maria Serrano. Zozketan 900 pertsonek parte hartu dute, %60a, gainera, hondarribiarrak izan dira. Pozarren agertu dira antolatzaileak aurtengo edizioarekin, eta, azken urteetan, “arrakastarako formularekin” eman dutela esan du.
Ondoren, lehiaketaren nondik norakoen xehetasunak eman ditu. Lehia oso estua izan dela nabarmendu du, pintxo guztiek gustukoenaren bozkaren bat jaso dutelarik. Bozketa popularraren irabazlea, baina, Mika Jatetxearen Del bosque a la cala pintxoa izan da.
Mika Pop Herritarren Sariarekin.
Jarraian, Laguardian gaua pasatzeko zozketa egin dute. Zorteduna Alois Criete izan da eta datozen egunetan ipiniko dira harekin kontaktuan.
Azkenik, epaimahaikideek hartu dute hitza. Arantza Ayala (Laia Erretegia) izan da Erdi Aroko pintxo lehiaketara aurkeztutako pintxoen balorazioa egiten lehena. Hasteko, zorionak eman dizkie parte hartzaile guztiei. Izan ere, pintxo bakoitzaren atzean zegoen “gogoa eta ilusioa” nabarmena izan dela azaldu du.
Bestalde, pintxo gehienek itsasoaren, basoaren edo mendiaren inguruan hitz egiten zutela nabarmendu du. Iñaki Gezala Batzoki Jatetxeko epaimahaikideak eman ditu xehetasunak: “kontaktu hori nabaritu dugu bai itsasoa, bai lurra… Baina batez ere ikusi duguna izan da historia asko pitxo guztietan. Beti ere bertako produktuak errespetatuz, baita lurreko produktuak ere”.
Garailearen aukeraketa oso zaila izan dela onartu dute hirurek, aurkeztutako pintxo guztiek “maila altua” izan dutelako. Gezala: “Pintxo lehiaketetan egon izan naiz eta Euskadiko Pintxo Txapelketako final baten nibelaren aurrean izan gara”.
Jon Marie Graok (Real Cub de Golf de San Sebastian) amaitzeko, lan guztiak mimoz sortuak izan direla adierazi du: “Produktua, platera, formatua, zergatia… asko inplikatu dira”.
Hortaz, hausnarketa luze eta sakon baten ondoren, Erdi Aroko pintxo onenaren sari nagusia Danontzat Gastrotekari ematea adostu zuten, ‘Erromesa’ pintxoari. Gorka Irrisarrik jaso du saria.
