2023/6/8

Datorren ostegunean zabalduko dute hondartzako udako denboraldia

Irailaren 15era bitarte luzatuko dute aurtengoa. Garbiketa indartuko dutela iragarri dute gaurko aurkezpenean, zenbait ekintza eta egitasmo aurreikusi dituzte.

Sanpedroek eta sanmartzialek badute egitaraua

Ehun jardueratik gora egingo dira hirian ekainaren 23tik uztailaren 1era. Aurrerapen gisa, ekainaren 16 eta 17an Bustamantek eta En Tol Sarmientok taldeek kontzertua eskainiko dute. Txosnak, berriz, hilaren 23tik aurrera jarriko dira Urdanibia plazan.

Emakume errugbilariaren eguna antolatu du Txingudik

Emakume errugbilarien festa larunbat honetan ospatuko da Plaiaundin, 15:30etik aurrera. Entrenamendu bat, hirugarren denbora eta batukada feminista baten emanaldia dira eguneko menua.

BATeko neska-mutilak, maila mantentzera

Kluben arteko ligen azken jardunaldia jokatuko dute Bidasoa Atletiko Taldeko emakumeen eta gizonen taldeek larunbatean. Zaragozan eta Durangon arituko dira hurrenez hurren, salbazioa helburu.

Ez da sarrerarik geratzen adinekoen bazkarirako

Gonbidapenak lortu dituztenek horiek jasotzera pasa beharko dute Amaia KZtik ekainaren 13an eta 14an, 09:30etik 13:30era.

Historiaz eta arkeologiaz gozatzeko aukera Oiasson

Antzinaroko Egipto ardatz duen ikastaro berri bat antolatu dute Oiasso Museoan irailaren 18tik abenduaren 19ra bitartean. Izen-emateak irekita daude jada.

Aurten ere Udasoa eskubaloi kanpusa izango dute txikienek

Aste batetik hasi eta lau astetara luza dezakete haurrek egonaldia, nahieran. Lehen taldea uztailaren 3an hasiko da jarduerekin.

Emakumeen II. San Martzial Eskubaloi Txapelketa, larunbatean

Txingudi Eskubaloiak antolatzen duen txapelketa Artaleku eta Urantzun lehiatuko da, 10:00etatik 19:00etara. Sei taldek hartuko dute parte emakumeen eskubaloia sustatzen eta bultzatzen jarraitzeko helburuarekin.

Hondarribiko Musika Eskola Kultur Etxea

"Kulturaren inguruan hitz egin eta hausnartzeko" hitzaldia antolatu du GKSk

Bihar 'Gazteon Pobretzearen Kultura' izeneko hitzaldia eskainiko dute Kultur Etxean. Hitzaldiaren ondoren luntxa izango dela aurreratu dute antolatzaileek.

Erdi Aroko Azokak trafiko aldaketak eragingo ditu asteburuan

Kale Nagusia itxiko dute asteburuan, ostiraletik igandera bitarte. Baimena dutenek bakarrik ahal izango dute Alde Zaharrean sartu.

Errenteriako mendizalearen bilaketan aritzeko laguntza eskatu dute

VOST Euskadik Jaizkibel mendia ondo ezagutzen duen jendearen laguntza eskatu du, bilaketan laguntzeko.

Oarso Bidasoko Hitza
Gehiago