Fin aritu dira BATeko atletak Gipuzkoako Txapelketan
Anoetako Udal Miniestadioan jokatu ziren 16, 18, 20 urte azpiko zein Master kategoriako Gipuzkoako Txapelketak. Alebin kategoriako atletak, berriz, Zumarragan izan ziren.
Larunbat honetan 16 urte azpiko eta Master mailako Gipuzkoako Txapelketaren bigarren jardunaldia egin zen Anoetako Udal Miniestadioan. BATeko atletek paper bikaina egin zuten bertan.
16 urte azpikoak indartsu datoz. Izan ere, hamalau domina eskuratu eta Espainiako txapelketan parte hartzeko hainbat minimo bete baitzituzten. 18 urte azpiko kategorian ere lan txukuna egin zuten. Guztira, hamar dominekin itzuli ziren etxera. 20 urte azpikoan, berriz, bost domina lortu zituzten, eta Master kategorian, bederatzi.
Atletismo eskolako txikienak ere bikain aritu ziren Zumarragan egin zen Gipuzkoako Alebin txapelketan. Podiumaren gorenera igo ziren, taldeka, bai neskak eta baita mutilak ere. Nesken A taldeak 101 puntu eskuratu zituen. B taldea, berriz, laugarren izan zen 67 punturekin eta C taldekoak 14.n izan ziren 41 punturekin. Mutilen A taldeak 109 punturekin eskuratu zuten Gipuzkoako titulua. B taldea aldiz, seigarren izan zen 66 punturekin. Errelebo lasterketan ere garaile izan ziren nesketan zein mutiletan.
Emaitzak
16 urte azpikoak
- Hugo Vazquez: 1000 metroetan urrea eskuratu zuen, 2:39,42 denborarekin. Espainiako txapelketan parte hartzeko eskatzen duten minimoa egin zuen.
- Alai Cabello: 1000 metroetan brontzea eskuratu zuen, 2:41,00 denborarekin. Espainiako txapelketan parte hartzeko eskatzen duten minimoa egin zuen.
- Egoitz Mikelarena: 300 metroetan urrea eskuratu zuen, 36,46 segundoko denborarekin.
- Rafael Caseau: Jauzi hirukoitzean zilarra eskuratu zuen, 11,98 metroko jauziarekin, eta xabalina jaurtiketan ere zilarra lortu zuen 35,11 metroko jaurtiketarekin.
- Mikel Garrantxo: 300 metroetan zilarra eskuratu zuen 37,60ko markarekin.
- Oihana Amado: Mailu jaurtiketan 22,59 metroko jaurtiketarekin zein xabalina jaurtiketan 30,19 metroko jaurtiketarekin zilarra eskuratu zuen.
- Uzuri Martiarena: Xabalina jaurtiketan brontzea eskuratu zuen 28,04ko jaurtiketarekin.
- Mariela Beraza: 300 metro hesietan urrea eskuratu zuen, 46,99 segundoko markarekin.
- Nerea Sorondo eta Elene Salcedo: 30o metroetan zilarra elkarbanatu zuten, biak 43,78 segundoko denboran igaro zuten meta.
- Nerea Cambon: 1000 metroetan brontzea eskuratu zuen 3:17,44ko markarekin.
18 urte azpikoak
- Alaine Agueralde: Urrea eskuratu zuen 200 metroetan (25,04 segundo). Espainiako txapelketan parte hartzeko eskatzen duten minimoa egin zuen.
- Leire Martiarena: Zilarra eskuratu zuen 200 metroetan (25,42 segundo).
- Izaskun Sanz: Urrea eskuratu zuen 800 metroetan (2:18, 28 minutu).
- Eider Alzaga: Urrea eskuratu zuen 400 metro hesietan (1:08,88).
- Eider San Millan: Zilarra eskuratu zuen 400 metro hesietan (1:15,76 minutu).
- Eider Zumeaga: Brontzea eskuratu zuen salto hirukoitzean (10:71 metro).
- Lorea Cabezon: Brontzea eskuratu zuen 3000 metroetan (11:44,57 minutu).
- Unax Eraso: Urrea eskuratu zuen mailu jaurtiketan (53,04 metro).
20 urte azpikoak
- Beñat Mikelarena: Urrea eskuratu zuen 200 metroetan (22,12 segundo).
- Joaquin Alonso: Zilarra eskuratu zuen 200 metroetan (22,74 segundo).
- Laia Olaskoaga: Urrea eskuratu zuen 200 metroetan (24,94 segundo).
- Martina Villar: Brontzea eskuratu zuen 200 metroetan (25,45 segundo).
- Irune Muguruza: Urrea eskuratu zuen 400 metro hesietan (1:02,34 minutu).
Master kategoria
- Jose Mari Zabala: Urrea eskuratu zuen 100 metroetan (13,22 segundo), zilarra 200 metroetan (26,29 segundo) eta zilarra 400 metroetan (1:00,65 minuto).
- Fernando Garcia: Urrea eskuratu zuen 100 metroetan (12,95 segundo) eta brontzea 200 metroetan (26,06 segundo).
- Susana Ruiz: Urrea eskuratu zuen 200 metroetan (29,93 segundo).
- Miguel Arburua: Zilarra eskuratu zuen disko jaurtiketan (17,38 metro), urrea xabalina jaurtiketan 25,48 metro) eta brontzea pisu jaurtiketan (7,68 metro).
- Abel Castañaresek 12. amaitu zuen 800 metroetan 2:39,86ko denborarekin.
Asteburu honetan Ohorezko mailan jarraitzeko jarraikortasuna izango dute jokoan Bidasoa Atletiko Taldeko senior taldeek. Ligako azken topaketak izango dituzte, neskek Zaragozan, mutilek Durangon.
Asteburu garrantzitsu honetarako gainera, emakumeen taldean Teresa Errandonea berreskuratuko du, eta mutilek Beñat Mikelarena.
