'Saldremos Mejores' podcasta, larunbatean Amaia KZn
Gaurkotasuna eta umorea batzen dituen podcasta 'live show' formatuan iritsiko da Irunera. Protagonistak Ines Hernand eta Nerea Perez de las Heras dira.
Irungo Udaleko Kultura arloak antolatuta, larunbatean (hilak 27), 19:00etan, ‘Saldremos Mejores’ podcasta live show formatuan iritsiko da Amaia KZra. Show horrek gaurkotasuna eta umorea batzen ditu, eta protagonistak Ines Hernand eta Nerea Perez de las Heras dira. Antolatzaileen arabera, show hori “inkonformistentzako eta azken ordukoetatik eta sare sozialetatik haratago joateko gogoa” dutenei zuzenduta dago.
Sarrerak salgai daude, eta bi modutara eskura daitezke: Amaia KZren webgunean eta aretoaren txartel leihatilan saioa hasi baino ordubete lehenagotik, betiere sarrerarik geratzen bada.
