Hauteskundeei begira Hondarribian bizitzeko eta bertan lan egiteko gakoak identifikatu dituzte sozialistek. Beren proposamenak zazpi puntu izango ditu ardatz.
Hondarribiko PSE-EE. Gaur goizean maiatzaren 28rako Udal Hauteskundeetarako programa aurkeztu du Hondarribiko PSE-EEk; programa “sozial, eraginkor eta erresilientea”.
Sozialisten ustez hondarribiarrek “gehiago merezi” dute, eta, horretarako, gauza asko aldatzea beharrezkotzat jo dute: “EAJk duen gehiengoak paralisi bat sortu du hirian eta hori aldatu beharra dugu”.
Haatik, Hondarribian bizitzeko eta lan egiteko gakoei erreparatu eta hainbat ekintza proposatu dituzte, zazpi puntutan bildu dituztenak:
- Hirigintza jasangarria: Hiriko hainbat auzo eta eremu zaharberritzea (Mendelu auzoa, Harresiaren inguruko proiektuak amaitzea, Alde Zaharra, Kosta auzoa…) eta komunitate energetikoak garatzea.
- Etxebizitza gehiago sortzea: Alokairuko etxebizitza publikoak eraikitzea; Tudeleneako eta Piputzeko lurrak erostea, besteak beste, zaharren egoitza eta apartamendu babestuak eraikitzeko; oporretako alokairu eta etxebizitza turistikoak erregulatzeko ordenantza berria erregultzea; eta alokairuetarako laguntzak ezartzea.
- Mugikortasun jasangarria eta irisgarritasuna: Lurpeko aparkaleku bat eraikitzea; autobus turistikoentzako aparkalekua sortzea; garraio publikoa hobetzea; TAOaren ordutegia berrikustea; GI-638 zabaltzea, Irun eta Hondarribia artean bidegorria eraikitzea; ‘Navette’ mugi txartelean gehitzea; eta igogailu berri bat eraikitzea.
- Udal kudeaketa hobetzea: Hirigintza arloan, Zerbitzu Sozialen arloan, Udaltzaingoan… plaza gehiago ezartzea; BAZ zerbitzua zabaltzea; eta kontsumitzaileen arreta zerbitzua automatizatzeko App baten sorrera.
- Desberdinkeria murriztea: Familientzako diru laguntzak; kolektibo zaurgarrienentzako protokoloak garatzea; Berdintasun arloa sortzea; eta Prebentzio Komunitarioa Muliatera lekualdatzea.
- Bizi eta lan egiteko hiri bat garatzea: Bertako merkatarientzako laguntza zuzenak ematea; Udalerriko tasak komertzio txikiei egokitzea; ingurune industrialak bultzatzea (Ibiztieta, Gabarrari, Zaldunborda eta Zubietako parke Teknologikoa); langabezia ekiditeko programak.
- Kultura: Kultur jarduera irisgarriak; kultur jarduerak auzoetara zabaltzea; Musika Eskola udalekotutzea; udal eraikinetan wifia jartzea eta konexio arazoak konpontzea; eremu kulturalak berreskuratzea (Ramery edo Piraten Gaztelua); eta Memoria Historikoaren inguruan lanean jarraitzea.
