'Eutsi Ramon!' eta triatloia, beste askoren artean Hondarribiko asteburuan
Igandean, 'Eutsi Ramon!' antzezlanaren estreinaldia egingo du herrian Trapu Zaharra konpainiak. Larunbatean, triatloia hondartzan.
Trapu Zaharraren Eutsi Ramon! kale antzezlana, igandean bitan herrian. Hondarribiko asteburuan, ia-ia denetik. Kultur ekitaldiak badaude (aretokoak eta kalekoak), baita kirola ere. Gainera, larunbatean Taberna Ibiltaria ibiliko da herritik zehar. Igandean bi klasiko: txistu taldearen alborada, eta kirol kaian brokante eta bilduma azoka.
Nabarmentzekoa da igandean Trapu Zaharra konpainiak estreinaldia egingo dutea herrian, Eutsi Ramon! kale antzezlana bitan aterako baitu herriko kaleetara.
Jarraian, ekitaldien zerrenda:
Gaur (ostirala)
- 19:00etan, Itsas Etxea Auditoriumean, Yllana Teatro konpainiaren Passport antzerkia. Sarrera: 8 euro (18 urtetik beherakoek 4 euro).
Bihar (larunbata)
- 11:30ean, Zuloaga Etxea liburutegian, Larunbatetan Liburu Bat egitasmoaren barruko irakurketa taldeak Petros Markarisen Próxima estación, Atenas liburuaz solasaldia egingo du.
- 15:00etatik, Hondartzan, Hondarribiko Triatloia. 15:00etan distantzia motzeko lehia izango da. 17:00etan, berriz, distantzia luzekoa. Informazio osoagoa izateko, hemen klik egin.
- Eguerdian eta arratsaldean, Portua auzoan, Taberna Ibiltariaren irteera euskal kantuez gozatzeko
Etzi (igandea)
- 08:00etan, Alde Zaharrean eta Soroetan, Hondarribiko Txistu Taldearen alborada.
- 10:00etatik, kirol kaian, brokante eta bilduma azoka.
- 12:30ean (Santiago kalean, euskaraz) eta 19:00etan (San Pedro kalean, gaztelaniaz), kale antzerkia Trapu Zaharra konpainiaren eskutik: Eutsi Ramon lanaren estreinaldia egingo dute. Jarraian, sinopsia:
“Kolapsoa” izango da enpresa handi batek duen aitzakia bere eskaintza paregabea martxan jartzeko: goi mailako bunkerrak eskaintzea. Hau promozionatzeko, probaleku mugikor batean, zuzenean, lehiaketa bat antolatuko du herri bakoitzean. Lehiakideak proba desberdinak egin beharko ditu hau lortzeko. Ikuslegoak, idi-proba batean bezalaxe, ariketa bakoitzean apustuak egiteko aukera izango du. Lehiaketa umiliagarrietaz, kataklismoetaz, ansiolitikoetaz eta bestelako askotaz hitz egiten du obrak.
