Bidasoa Itzuliak trafiko aldaketak eragingo ditu herrian

Ostegunean helduko dira txirrindulariak, arratsaldez. Zeharkatuko dituzten kale guztiak itxiko dituzte, puntualki.

Atzo, Dmitry Strakhov Hondarribiko helmugara iristen

Etzi (osteguna, hilak 4) igaroko da Bidasoa Itzulia herritik, Hendaiatik abiatuko den lasterketa bukatuko dute Hondarribian. Horren harira, zenbat trafiko mozketa izango direla jakinarazi du udalak.

Lasterketa Jaizkibeletik helduko da, 17:15 inguruan. Herriko zenbait kale zeharkatu eta Harresilanda kalean izango dute helmuga, 17:35 inguruan.

Hala, lasterketak zeharkatuko dituen kaleak txirrindulariak iritsi aurreko ordu erdian itxiko dituzte. Kosta kaletik datorren trafikoa Aireportuko errepidetik desbideratuko dute, eta azkenik, Harresilanda kalean ezingo dela aparkatu jakinarazi du udalak, bihartik (14:00etatik).

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.