Hondarribia AEko aulki mugikorreko taldeak, hitzordu hirukoitza asteburuan
Larunbatean Orion Gipuzkoako Aulki Mugikorreko Ligako 7. jardunaldia eta Gipuzkoako 8+ AB M Txapelketa jokatuko dituzte hondarribiarrek. Astelehenean berriz, modalitate bereko Euskadiko Txapelketan ariko dira.
Etzi (larunbata, hilak 29) lehia izango du Hondarribia AEko aulki mugikorreko taldeak, Orion Gipuzkoako Aulki Mugikorreko Ligako 7. jardunaldia eta Gipuzkoako 8+ AB M Txapelketa jokatuko baitute hondarribiarrek.
Astelehenean (maiatzak 1) berriz, Legution izango dute hitzordua, bertan jokatuko den modalitate bereko Euskadiko Txapelketan.
Gipuzkoako txapelketan Orio A eta B eta Ur-Kirolak taldeak izango dituzte aurkari, eta oraindik klubak ez daki nolakoa izango den Euskadiko parte hartzea.
Herriko eskifaia Xabier Olaskoagak, Aimar Kanpandegik, Beñat Egiazuk, Xabier Irigarayk, Ibai Camarerok, Ander Legazkuek, Iker Uhartek, Mattin Colasek eta Iker de la Lindek (lemazaina) osatuko dute. Ontziaren bataz besteko adina 22 urtekoa baino ez da.
