Kabigorrik poesia talde bat sortu nahi du
Poesiaren maitaleei sortu nahi den taldearekin bat egitera gonbidatu nahi dituzte. Horretarako, interesdunek posta elektronikoz mezu bat bidali beharko dute hilaren 25a baino lehen.
Liburuak. Kabigorri Bidasoaldeko Ateneoak jakinarazi du poesia talde bat sortzeko ahaleginean daudela. Hori dela eta, poesiaren maitaleak Kabigorrin sortu nahi den taldearekin bat egitera gonbidatu nahi dituzte, poesia irakurtzeko, idazteko edota poesiaz hitz egiteko xedearekin.
Poesia taldera batzeko, Kabigorrik helbide elektronikora mezua bidaltzeko eskatu du, poesia taldean parte hartu nahi dela zehaztuz. Ondoren, mezuak jasota, parte hartzaile guztiei dei egingo dietela adierazi dute. Antolatzaileen asmoa da datorren ostiralean, hilak 28, lehen bilkura egitea; horregatik, mezuak hilaren 25a baino lehen bidaltzea eskatu dute.
