Euskal Pilota Egokituko Sari Nagusiko finalak jokatuko dituzte Irunen
Bi final jasoko ditu Uranzuk igandean. Antolatzaileek "final estu eta parekatuak" espero dituzte.
![](https://bidasoa.hitza.eus/site/files/2023/04/846233359d5c14aa4834ce973789623cecbb9c18.jpeg)
Pilota zaleek hitzordu garrantzitsua izango dute datorren igandean (hilak 9) Uranzu pilotalekuan. Euskal Pilota Egokituaren Sari Nagusiaren finalak jokatuko dituzte bertan, 12:00etatik aurrera.
Bi partida jokatuko dituzte. Batetik, adimen urritasuna duten pilotarietan Gomez-Huegun eta Lertundi-Sagarmendia ariko dira eta bestetik, urritasun fisikoa dutenen mailan Yann-Lizaso/Quesada-Maixi txapelen lehian ariko dira.
Antolatzaileen arabera, orain arteko partidetan “maila etengabe hazten ari dela” erakutsi dute kirolariek, “final estu eta parekatuak” espero dituzte.