Aste Santu oparoa aurreikusi du Bidasoa Bizirikek
Agentziaren arabera, Irun eta Hondarribiko hotelen ia %100a beteko da Aste Santuko oporraldi honetan, bereziki ostiral eta larunbat honetan.
![Aste Santua 2016 turismoa](https://bidasoa.hitza.eus/site/files/2016/03/Aste-Santua-2016-a.jpg)
Bidasoa Biziriken arabera, Irun eta Hondarribiko hotelen okupazioaren ia %100a beteko da Aste Santuko oporraldi honetan. Eskualdeko hotelek eta ostalariek hala aurreikusi dutela dio agentziak. “Ez ditugu hotelak okupazioaren %100ean, baina aurreikuspena da bereziki ostiral eta larunbatean betetzea”, dio Atalaia hoteleko Maria Candela Fernandezek. Hondarribiko Jauregui hoteleko Lorena Sanchez ere baikorra da, eta esan du egun okupazioaren %69ean daudela. Biek esan dute azken orduko erreserba asko izango direla aurreikusten dutela.
Aste Santurako agenda oparoa prestatu dute bi udalek. Hemen Irungo agenda kontsulta daiteke, eta hemen, Hondarribikoa.