Talaia Bidea lasterketak trafiko aldaketak eragingo ditu
Ostiralean Harresilanda kaleko ibilgailuak kenduko dituzte eta igandean Javier Ugarte kaletik Alde Zaharrera doazen ibilgailuen sarrera murriztuko dute.
Datorren igandean (hilak 26) Donostia-Hondarribia-Talaia Bidea traila egingo dute, Jaizkibel aldetik helduko dira lasterkariak herrira. Lasterketa honek zenbait trafiko aldaketa eragingo dituela aurreratu du udalak, ondorengoak:
- Ostiraletik Harresilanda kaleko ibilgailuak kenduko dituzte, eta ezingo da aparkatu Errebellin kalean eta Uria Haserrian, bertatik pasako baita traila.
- Igandean 11:30etik 14:00etara Javier Ugarte kaletik Alde Zaharrera doazen ibilgailuen sarrera murriztuko dute.
Zimizargatik helduko dira lasterkariak, Muliateraka. Handik Tximista kalera abiatuko dira, San Nikolas zubia zeharkatuz Alde Zaharrean sartzeko. Ondoren, Leiba Generaletik Murrua kalera joango dira, eta handik Kale Nagusia jaitsi eta Harresilanda kalean bukatuko dute lasterketa.
Lasterketaren gaineko informazio gehiago lotura honetan kontsulta daiteke.
Dagoeneko murrizketak seinaleztatu ditu udalak.
