Datozen egunetan hiritarren etxeetara bidaliko dute "proiektuak bildu eta laburbiltzen" dituen aldizkaria.
Urtarrilean ireki zuten IDEIAleku eta elkarrizketa eta hitzaldi andana egin dituzte bertan ordutik. “Irundarren topagunea izan da, eta horietako asko hurbildu dira Irun hiria hobea izan dadin ideiak ematera” adierazi du EAJk.
Hiri Proiektua osatzen ari da alderdi jeltzalea eta hilabete hauetan herritarrengandik jasotakoa gehitu diote plan horri. “Irundarrek helarazi dizkiguten ideia, proposamen eta hobekuntza horiek guztiak bildu eta gure Hiri Proiektua h obetu eta osatu dugu”.
Proiektu horretan gaur egungo beharrei “zuzenean” erantzuten diotela eta etorkizuneko beharrak aurreikusten dituela azaldu dute. “Irun hobea nahi dugu, herritarrek merezi eta eskatzen dutena”.
Horrez gain, aldizkari bat egin dute “proiektuak bildu eta laburbiltzen dituena”. Datozen egunetan hiriko etxeetara bidaliko dute.
