Ariel Bringuez eta Ivan 'Melón' Lewis kubatarrek kontzertua eskainiko dute bihar
'Alma en Cuba' izeneko proiektua taularatuko dute saxofonistak eta piano jotzaileak. Bost euroan eskura daitezke sarrerak.
Lehen mailako musika emanaldia jasoko du bihar (hilak 17) Hondarribiko Itsas Etxea Auditoriumak. Ariel Bringuez saxofonista eta Ivan ‘Melón’ Lewis pianista kubatarrak igoko dira oholtzara, saio berezia eskainiko du bikote ospetsuak, Alma en Cuba izena jarri diote honi.
Ibilbide profesional ikaragarria du bikoteak. Munduko lehen mailako musikariekin kolaboratu dute, eta biek Grammy sari bat poltsikoratu dute.
20:00tan hasiko da kontzertua, eta bost euro ordaindu beharko dira. Lotura honetan eros daitezke. Bestela, Arma Plazan ere erosteko aukera izango da.
