Kakiku dinamika sortu du Ziztakak
Kafearen bueltan euskararen alde Irunen egindako ekimenez arituko dira martxoaren 25ean egingo duten lehen saioan. Beste bi batzar aurreikusi dituzte.
Ziztaka mugimenduak inoiz gelditu bada berriz ekin dio herritarrak eragiteari. Kakiku sortu dute: kafea, kikara eta kultura da silabak desglosatzen baldin badira eta modu informalean Irunen euskararen alde sortutako hainbat ekimenen ibilbidea ezagutu eta oztopo komunak identifikatzeko plaza izango da.
Lehenengo Kakiku honetan iraganera bidaia egingo dute; bigarren saioan orainaldian geratuko dira; eta azkenekoan etorkizunera egingo dute salto.
Martxoaren 25ean egingo da lehen solasaldia Erdiguneko Auzo Elkartean (Aldapeta karrika 7, behea), 10:30ean. Ez da aurretik izena eman behar.
