Oarso-Bidasoa hartuko dute Martxoaren 8ko mobilizazioek
Emakumeen Nazioarteko Eguna aldarrikatzeko bi eskualdeetan izango diren elkarretaratze eta manifestazioen zerrenda jaso du HITZAk.
Bidasoa
Orotara zortzi mobilizazio izango dira bihar, Martxoak 8, Oarsoaldeko lau udalerriak eta Irun eta Hondarribia kontuan hartuta. Eguerdian abiatuko dira lehen aldarrikapenak, Errenteria-Orereta eta Hondarribian. Mobilizazio gehienek iluntze aldera hartuko dituzte kaleak: 17:30ean Hondarribitik, 18:00etan Oiartzunen, 19:00etan Errenteria-Oreretan, Lezon eta Irunen, eta 19:30ean azken biak, Pasaian.
Jarraian, elkarretaratze eta manifestazioen zerrenda, xehetasun guztiekin. Emakumeen Nazioarteko Egunaren karietara antolaturiko egitarauen informazio guztia jasota dago HITZAren Martxoak 8 atalean.
- Errenteria-Orereta
- 12:00. Herriko Plazatik abiatuko da. Antolatzailea: Zirika Neska Gazteak.
- 19:00. Mobilizazioa, Zumarditik abiatuz. Antolatzailea: Oreretako Asanblada Feminista.
- Pasaia
- 19:30. Gernika plazan. Antolatzailea: Topaketa.
- 19:30. Axular plazatik mobilizazioa. Afari-merienda 20:30ean Basari elkartean. Antolatzaileak: Harremantxo eta Bekoz Beko.
- Oiartzun
- 18:00. Plazan hasi eta bukatuko da manifestazioa, eta ondoren ekitaldia egingo dute. Antolatzailea: Oiartzungo Feministen Asanblada.
- Lezo
- 19:00. Martxa Gurutze Santuaren plazatik abiatuko da. Antolatzaileak: Lezoko Emakume Taldea eta Gaxuxa.
- Hondarribia
- 12:00. Martxoak 8 plazan elkartuko dira. Antolatzaileak: Hondarribiko Udala eta Emeki Emakumeen Elkartea.
- 17:30. Bidasoa eskualdeko manifestazioa, Martxoak 8 plazatik Irunerantz. Antolatzaileak: Hondarribiko Udala eta Emeki Emakumeen Elkartea.
- Irun
- 12:00. Kontzentrazioa San Juan plazan Emakumeak gora lelopean. Antolatzailea: Irungo Udala.
- 19:00. Urruña eta Hondarribitik zutabe bana abiatuko da, eta biek ala biek bat egingo dute Ipar Euskal Herria hiribideak eta Kolon Pasealekuak bat egiten duten bidegurutzean. Bertatik Istillaga plazara eta Santiagoko frontoira jaitsiko dira. Antolatzailea: M8 Asanblada Feminista.
- 19:00. San Juan plazatik mobilizazioa. Antolatzailea: Bidasoko Itaia.
