Ficobak esperotako igoera izan du ekonomikoki
Pandemia ondorengo datuak positiboak izan dira erakustazokarentzat. Eskualdean 32 milioi euroko inpaktua izan du bertako jardunak.
Ficoba erakustazokaren 2022ko balantzea egin dute, eta parametro guztiak igo egin dira. Kontuan hartu behar da aurreko bi urteak pandemiaren murrizketek eragindakoa izan zirela, eta beraz, erabiltzaileen eta ekitaldien igoera espero zutela.
Iaz 284 jarduera egin ziren (%19 gehiago), eta horrek 32 milioi euroko inpaktua eragin du eskualdean. Aldiz, Ficobak serie historikoko fakturazio altuena erdietsi du: 2,35 milioi euro.
Guztira 329 egunetan erabili da espazioa, 2021ean 272 egunetan. Bertan egindako jarduerak denetarikoak izan dira. Esaterako, 14 azoka egin dira, Be Veggie edota Ababor; Bi urtean behin egiten diren bi hitzordu ere egin ziren, Go Mobility by MUBIL eta Basque Ciruclar Summit, besteak beste.
Nabarmen hazi dira ekitaldi kulturalak ere, 2021ean 17 egin baitziren, eta 2022an 56 izan ziren. Tartean, Euskal Herriko Bertsolari Txapelketa edota Irun Zuzenean festibala.
Bilerak edo azterketak bere horretan segitu dute eta 214 egin zituzten, hala nola, lan eskaintza publikoen azterketak edota HABE azterketak.
Dagoeneko 2023ko ekitaldien egutegia kaleratu du erakustazokak. Lotura honetan kontsulta daitezke.
