PSE-EEk kezka adierazi du berriro Arrantzale auzoko egoeragatik
Udal taldeak inguruko bizilagunak zarata eta zikinkeriarekin kezkatuta jarraitzen dutela adierazi du. Neurriak lehenbailehen har daitezela eskatu dute.
Berriki, Hondarribiko PSE-EEk EAJren udal gobernuari eskaera bat egin dio: neurriak har ditzala Arrantzale Auzoan eta Maddalen Karrikan “nagusi diren zikinkeria eta zarata egoerei” aurre egiteko. Antza, inguru horietako bizilagunek aspaldi salatu zuten egoera, eta gaur egun hainbat salaketa kartel ikusi daitezke balkoietan: artean, “gazteek plaza hartuta” dutelako, edo etxebizitzen aurka baloiarekin aritzen direlako. Bide beretik, 2023ko udal aurrekontuetan PSE-EEren zuzenketa proposamena onartu zuten, 50.000 euroren truke, bertan zaintza kamerak jartzeko.
Gaiaren inguruan mintzatu da Iosu Alvarez Hondarribiko PSE-EEren bozeramailea: “Esan gabe doa zaintza-kamerek lasaitasuna ematen dietela bizilagunei, eta disuasio-neurriak direla istiluak saihesteko, baina ez dira panazea. Horregatik, Txomin Sagarzazu alkateari eta bere taldeari exijitzen diegu bi toki horietako bizilagunek eskubidea dutela lasai bizi ahal izateko”.
Sozialisten ustez, gaiak gainezka hartu eta gelditasunean murgildu da EAJren udal gobernua.
