Negozio-turismoa Bidasoara erakartzeko MICE gida
Madrilen izan dira eskualdeko ordezkariak. Bertan, gida EAE mailako standean onartu da, eta aurrerantzean turistek bi herriotan turismo pizgarri interesgarrienak izango dituzte eskura.
Jose Antonio Santano Irungo alkatea eta Maria Serrano Hondarribiko udaleko zinegotzi eta Bidasoa Bizirikeko lehendakari ordea. Atzo goizean Irun eta Hondarribiko udaleko ordezkariek (Irungo alkatea eta Bidasoa Bizirikeko lehendakaria, zein lehendakari ordea) MICE gida aurkeztu dute Madrilen, Nazioarteko Turismo Azoka (FITUR) kongresuan.
“Azken urteotan ikusi ditugun datu turistiko onek, baita pandemia garaian ere, erakusten dute Irunek eta Hondarribiak ahalmen handia dutela aisialdirako helmuga turistiko gisa, jende askok oporrak igarotzeko aukeratzen duen lekua baitira. Hala ere, eskualdean baliabide ugari ditugu beste turismo mota bat erakartzeko”. Horretarako, hain zuzen, sortu dute MICE gida, negozio-turismoa erakartzeko gida.
Irunek eta Hondarribiak kongresu turismoa hartzeko dituzten zerbitzu eta pizgarri interesgarrienak jasotzen ditu gidak, hala nola, bilera gelak dituzten hotelak, jatetxeak, aisialdiko eta kulturako jarduerak, kontaktu interesgarriak eta ekitaldiak antolatzen dituzten enpresak. Online eta lau hizkuntzetan jarriko dute eskuragarri.
Hortaz gain, aurkezpenean komunikazio plan bat garatuko dutela jakinarazi dute, hainbat merkatutako eragile eta enpresa potentzialen artean zabaltzeko.
Erdi Aroko hirien eta hiribilduen sarea
Atzo ere Erdi Aroko Hirien Sareko batzarra egin dute. Sarea osatzen duten hirien artean lankidetza egongo da. Azaldu dutenaren arabera, horiek guztiek ingurune natural paregabeak dituzte. Aurten hainbat proiektu jarriko dituzte abian; artean, komunikazioa eta sare sozialei emango zaie garrantzia, baita FotoRed sareko argazki-lehiaketa edo Erdi Aroko pintxo eta tapa lehiaketak antolatuko ere. Proiektu horien bidez, sareko hirien historia eta kulturaz gozatzeko aukera eskainiko diete turistei.
Hein horretan, Hondarribian egingo dute Erdi Aroko pintxo eta tapen lehiaketa. Maria Serrano udaleko Turismo zinegotziak aurreratu eran, urriaren 27, 28 eta 29an antolatuko dute, “inoiz baino ostalari gehiago erakartzeko helburuarekin”.
