Martxoan UNIRE soldadura teknologia azoka antolatuko dute Ficoban
Hilaren 8 eta 9an egingo dute. Oso harrera ona izan du enpresa munduan, eta lekua erreserbatu daiteke oraindik ere. Bestela soldadura txapelketa egingo dute.
Iñigo Lavado jatetxea. Datozen martxoaren 8 eta 9an UNIRE soldadura eta lotura teknologiaren I. azoka antolatuko dute Ficoban, CESOL Soldadura eta Lotura Teknologien Espainiako Elkartearekin elkarlanean.
Hainbat eta hainbat enpresek aurkeztuko dituzte produktuak erakusketan, harrera bikaina izan baitu ekimenak enpresa munduan. Esteka honetan kontsultatu daiteke erakusketan parte hartuko dutenen zerrenda. Sektore ezberdinetako enpresak izanda, interesdunek bisitaldi bakarrean izango dute erabilera anitzeko teknologien berri jabetzeko aukera. Hortaz gain, ikastetxe arteko soldadura txapelketa antolatuko dute ere, eta dagoeneko hogeita bost ikastetxek eman dute izena.
Oraindik ere badago azokan parte hartzeko aukera, eta erreserba azaroaren 30a, asteazkena, baino lehen egiten dutenek baldintza hobeetan eskuratuko dute plaza. Izena UNIREren webgunearen bidez egin behar da.
