Datorren astean zehar Errebellin kalea moztuko dute
"Kalez kale Hondarribia hobetzen" programaren baitan egingo dituzte obrak. Garajea dutenek kalea erabili ahalko dute.
Gonzalo Carrion Obra eta Zerbitzuetako zinegotziak jakinarazi duenaren arabera, “Kalez kale Hondarribia hobetzen”programaren baitan Errebellin kalea moztuko dute, egokitze lanak egiteko. Kale osoa itxiko dute, baina bertan garajera sarrera dutenek erabili ahalko dutela esan du ordezkariak, ordu mugatuetan bada ere: “Hala, lehen bi egunetan garajea dutenek edozein unetan sartu ahal izango dute, eta asteazken, ostegun eta ostiralean, garajea dutenek bakarrik arratsaldeko 19:00etatik goizeko 7:30ak artean sartu ahal izango dute, gainontzeko orduetan ez”.
Udal ordezkariak, egokitze lanok eragin dezaketen arazoez jakitun, bizilagunei ulergarriak izan daitezen eskatu die.
