Hondarribia Grand Slamak baditu txapeldunak
Larunbatean borobildu zuten zesta puntako denboraldia Hondarribia Grand Slamaren final handiarekin. Barandika eta Lopezek eskuratu zuten txapela.
Barandika eta Lopez garaile. Larunbatean jostaldi pilotalekuan izan zen finala “historikoa” izan zen Hondarribia Grand Slam antolatzen duen Jai Aliventzat. 1.000 pertsona inguru bertaratu ziren final handiaz gozatzera, “Hondarribian 16 urte daramazkigu zesta punta txapelketak antolatzen eta inoiz ez da hainbeste jende hurbildu babesa ematera”.
Harmaila jendez beteta.
Lehiari dagokionez partida estu eta zirraragarria izan zen. Lehen set-ean berdintsu hasi ziren bikoteak, baina Erkiaga-Irastorzak (urdinez) aurrea hartzea lortu zuten. Nahiz eta Barandika-Lopezek (gorriz) erantzuteko gaitasuna erakutsi, lehen set-a urdinentzat izan zen (12-15).
Bigarrena, ordea, gorriz jantzitako bikotearentzat izan zen (15-11). Era honetan, partida berdindu eta berdinketa hausteko set gehigarri bat jokatu behar izan zuten. Azken set horretan, partiduko punturik onena jokatu zen “ikusleak beren eserlekuetatik altxatu ziren jokaldia txalotuz”. Lehia estu eta gogorraren ondoren (5-2), Barandika-Lopez bikoteak eskuratu zuen Hondarribia Grand Slam torneoko txapel preziatua.
Erik Irastorzari omenaldia
Lehiaren ondoren Erik Irastorzari omenaldia egin zioten. Joan den astekoa Hego Euskal Herrian jokatuko zuen azken partida izan zen. Erretreta ordea, Biarritzen jokatuko den Mundialaren ondoren hartuko du. Txapela eskuratu ezin izan zuen arren, pozik agertu zen Irastorza pilotalekuan sortutako giro bikainaren aurrean.
