EAJk udal gobernuak trafiko arazoarekin duen jarrera arbuiatu du
Hiriak dituen benetako premiez jabetu ez izana leporatu dio alkateari; baita ardura ez zegokion maila instituzionalean kokatu izana ere.
Irungo EAJren udal taldeak trafiko arazoen harira alkateak eta udal gobernuak bultzatutako adierazpen instituzionala arbuiatu du. Izan ere, EAJko kideen arabera harrigarria da “hiriak zituen benetako premiez eta horiek behar bezala kudeatzeko moduez ez jabetu izana”. Santanok urteak eramatea udal gobernuan auzia are eta gehiago larritzen duela diote jeltzaleek.
EAJko kideen arabera, ardura Gipuzkoako Foru Aldundiari esleitu nahi izan dio Irungo udal gobernuak, eta eztabaida hutsaletan sartzeko ahaleginak egin ditu. Haien ustez, ardura Espainiako Gobernuak du: maila instituzional horrek baitu Frantziarekin mugez, jendarmeen kontrolez, mugako bidesariez nahiz gobernuarekin hitz egiteko ardura eta aukera.