Hondarribia Grand Slam, ostiraletatik larunbatetara
Ligaxkako hurrengo partidak hilaren 3, 17 eta 24an jokatuko dituzte. Finalediak urriaren 1ean dira, eta 8an finala.
Zesta puntako Hondarribia Grand Slam txapelketako partidak ostiraletatik larunbatetara pasako dira asteburu honetatik aurrera. Nola ez, Jostaldi pilotalekuak jasoko ditu norgehiagokak. Hala, larunbat honetan (hilak 3), 17an eta 24an jasoko ditu ligaxkako partidak frontoiak, urriaren 1ean jokatuko dira finalerdiak, eta urriaren 8an finala. Hilaren 10ean ez dago jardunaldirik, jaiengatik.
Iraileko partidak 18:00etan hasiko dira. Adibidez, larunbat honetakoan, lehenik gazteen arteko partida izango da, eta ondoren A taldeko ligaxkako beste bat. Gazteenean Julen Basterra hondarribiarrak Zugaitz izango du bikote, Goitia eta Atainen kontra aritzeko.
A taldeko ligaxkako partida Aritz-Erkiaga eta Arbe-Lekue bikoteek jokatuko dute.
