Bidasoa Irunek datorren denboraldiko jantzi berriak aurkeztu ditu
Iñigo Sanz irundarrak diseinatu ditu, eta kirol lorpenetan, hirian nahiz zaleetan oinarritu da. Denboraldi hasieran jarriko dituzte salgai.
Hauek izango dira 2022-2023 denboraldian zehar Bidasoa-Irungo jokalariek erabiliko dituzten uniformeak. Bidasoa Irun eskubaloi taldeak 2022-2023 denboraldian erabiliko dituen jantziak aurkeztu ditu. Geff markak babestuko du Irungo taldea, eta ohi bezala, urre-hori kolorea izango da nagusia. Gainontzeko taldeen zelaietara mugitzerakoan, urdin koloreko kamisetak jantziko dituzte eskubaloilariek. Bi uniformeok konposizio-patroi berdinek osatzen dituzte, garrantzia berezia dutelarik moduluen tonalitate zein ehundurek. Atezainen jantziei dagokienean, berdea eta arrosa izango dira kolore nagusiak.
Iñigo Sanz Irundarrak diseinatu ditu jantziok. Bere esanetan, “Bidasoari gaur egun dena eraikitzen lagundu dioten mugarrien lotura sinbolizatzen duten pieza ezberdinak dituzte oinarri”, artean, kirol lorpenak, hiria edo zaleak.
Kamiseta hauek, jokatzeko nahiz entrenatzekoa, Bidasoa Irunek Artalekun jokatuko duen lehen partidan jarriko dituzte salgai, eta bazkideek deskontu bereziak izango dituzte. Hortaz gain, kaleko arropa berria ere kaleratuko du eskubaloi taldeak, eta denboraldia hastean erosi ahalko dute herritarrek.
