Jaietako erakusleiho ederrenek saria izango dute
Gaur (hilak 24) zabaldu dute Jai Nagusietako Erakusleiho Lehiaketan izena emateko epea, hilaren 31ra bitarte. Hiru sari banatuko dituzte.
Aurtengo jaietan ere erakusleiho ederrenak saria izango du, Udaleko Turismo eta Merkataritza Departamentuak seigarren aldiz Jai Nagusietako Erakusleiho Lehiaketa antolatu baitu, herriko denda eta establezimenduei begira. Gaur (hilak 24) zabaldu dute izena emateko epea, eta hilaren 31a (asteazkena da) izango da azken eguna. BAZen edo besteala, lotura honetan apunta daitezke dendariak.
“Merkataritza herriko biziaren partaide egin nahi da, eta ondoen apaindua den establezimenduari saria emango zaio”, esan du Maria Serrano zinegotziak. Lehiaketa honekin “herriko jaiak apaintzeko beste urrats bat” eman nahi du udalak.
Apainketak irailaren 1etik 11ra bitarte egon beharko du.
Epaileek diseinua, sormena, irudi komertziala eta produktuaren aurkezpena baloratuko dute. Onenak 450 euro jasoko ditu, bigarrenak 300 eta hirugarrenak 200.
