Hasi dira haur danborrada antolatzen
Aurten, irailaren 5 eta 6an entseguak egingo dituzte, eta haur danborrada hilaren 7an. Izen emateak ireki dituzte.
![](https://bidasoa.hitza.eus/site/files/2022/08/haur-danborrada-infantil.jpg)
Jaiekin batera, bueltan da Hondarribiko haur danborrada. Amute Kostako auzo elkarteak hiru saio prestatu ditu aurtengo ekitaldirako, eta izen-emateak ireki ditu dagoeneko. Hala egiteko, entseguetako bi egunetan auzo elkartean egongo da aukera. Galdetegi hau bete ezkero ere izena emateko aukera dago.
Saioei dagokienean, honakoak dira aurtengo hitzorduak:
Irailaren 5a, astelehena
- Lehenengo saioa, Amuteko lokaletik abiatuta, arratsaldeko 18:00etatik 19:00etara.
Irailaren 6a, asteartea
- Bigarren saioa, Amuteko lokaletik abiatuta, arratsaldeko 18:00etatik 19:00etara.
Irailaren 7a, asteazkena
- Haur danborrada, Mendelutik abiatuta goizeko 11:00etan.