Hondartza-Bolei Txapelketa Herrikoia, irailean
Harresi Bolei Klubak, udalaren laguntzarekin, antolatutako txapelketa da. Izen ematea zabalik dago hilaren 29ra arte.
Hondarribiko Hondartza-Bolei Txapelketa Herrikoiaren lehen edizioa. Irailaren 3an Hondarribiko Hondartza-Bolei Txapelketa Herrikoiaren lehen edizioa egingo dute, eta dagoeneko zabalik dago bertan parte hartzeko izen-ematea (hilaren 29ra arte). Harresi Bolei Klubak, udalaren laguntzarekin, antolatutako txapelketa da.
Ikastetxe ezberdinetan boleibola sustatzen aritu diren zenbait gurasoren eskutik sortutako kluba da. Azken urteetako arrakasta ikusi ondoren, kluba sortzeko aukera ikusi zuten. Orain, ezagutarazteko asmoz, Hondartza-Bolei Txapelketa Herrikoia antolatu dute.
Bertan 13 urtetik gorakoek parte hartu ahal izango dute, eta izen emateen arabera hiru kategorietan banatzeko asmoa dute. Parte hartzaileak mugatuak izango dira, hori dela-eta izen-emate ordenaren arabera esleituko dira plazak. Izena emateko formulario bat bete beharko da. Taldeak lau pertsonakoak izango dira eta mixtoak izan daitezke.
Argibide gehiago, Harresi Bolei Klubaren webgunean.
