UNIRE azoka, motorrak berotzen
Azoka, jardunaldi eta lehiaketa batekin biribilduko dute UNIRE soldadura eta lotura-teknologien feria. 2023ko martxoaren 8tik 9ra egingo dutela aurreratu dute, Ficoban.
Gaur goizean bildu dira, Ficoban. UNIRE soldadura eta lotura-teknologien azoka motorrak berotzen hasi da. 2023ko martxoan egingo badute ere (8tik 9ra hain zuzen), batzorde teknikoaren lehen bilera egin berri dute antolaketa lanetan dabiltzan norbanako, enpresa eta elkarteek, gaur Ficoban. Azokaren ildo estrategikoak definitu dituzte gaurko bilkuran, honako enpresa eta erakundeetako ordezkariek: Adegi, BRTA, Gipuzkoako Merkataritza Bazkundea, EIT Manufacturting, FEX, Fronius, Goierri Eskola, Lortek, Nippon Gases, Tecnalia, Tknika, Une Normalizacion española eta aldundia.
Gaurkoan nabarmendu dutenez, azokaren helburua “industriak eraginkortasuna hobetzeko eta balio-kate osoko produktibitatea handitzeko dituen erronkei erantzutea” da, “fokua soldaduran eta lotura-teknologietan jarrita”.
Azokaren barruan hiru ekitaldi egingo dituztela aurreratu dute: azoka bera, CESOL Espainiako Soldadura eta Lotura Teknologien Elkarteak antolatutako Soldaduearen eta Lotura Teknologien XXIII. Jardunaldiak eta UNIREn lehen Soldadura Lehiaketa, soldadura ikasleen eta profesional gazteen partaidetzarekin.
Informazio eta xehetasun gehiago jaso nahi dituztenek, lotura honetara jo dezakete.
