Migrazio bidea irekitzea ahalbidetu zuen Ehun mugimenduak
Mozorrotuta Santiago zubia pasa zuten hainbat herritarrek migratzaile batzuekin, eta euskal herritartasuna eman zieten libre mugitzeko herrialde osotik.
Santiago zubia gurutzatu zuten momentua, jendarmeak begira zirelarik. Ehun mugimenduak deituta, zenbait lagunek Santiago zubia zeharkatu zuten larunbatean mozorrotuta, eta era horretan, migrazio bidea jarraitu nahi duten batzuei polizia kontrola pasatzen lagundu zieten.
Horrez gain, Baionako Pausa aterpetxeraino eraman zituzten, eta mugimenduko kide batek azaldu zuenez “Afrikatik etorritako hainbat lagunei Euskal Herriko Errepublikako herritartasun agiria eman eta eta agiri horrekin Euskal Herrian libre ibiltzeko aukera” luzatu diete.
Izan ere, Frantziak Afrikatik etorritakoek ezin dutela aske Euskal Herrian zehar ibili erabaki izana adierazi zuen mugimenduak eta salatu dute debeku horrek hainbat heriotza eragin dituela. “Ezarpen makabro horren aurrean burujabetza iraultzari hasiera eman dion lehen burujabetza ekintza egin dugu. Hasi dugu, beraz, Euskal Errepublikara eramango gaituen iraultza. Gurea da boterea” .
Martxoa amaieran mugimendu honek kontrol arrazista bat zegoela Irun eta Hendaia artean frogatu zuen, beraien sare sozialetan zabaldu zuten bideo honetan ikus daitekeen bezala. Hurrengo ekintza uztailaren 4an egingo dutela aurreratu dute, eta dinamikarekin jarraituz, eguna iritsi arte ez dute xehetasun askorik emango.
Burujabetzak praktikara eraman ditugu. Afrikako 7 laguni euskal herritartasuna eman eta Euskal Herritik libre mugitzea ahalbidetu diegu.
— Ehun #EuskalErrepublika (@ehunduz) June 4, 2022
Gurea da boterea!! pic.twitter.com/eoXRifZmkQ
