Artian eko-ibilbidearekin auzoko plan ezkutuak azaleratu nahi dituzte
Larunbatean auzotik buelta bat emango dute eta aurreikusitako planen datuak eta informazioa helaraziko dute. Mugikortasuna, ingurumena eta ZAISA izango dituzte hizpide.
Eko ibilbidea Artiako Lagunak Eko-ibilaldi bat egingo dute ekainaren 11n Artiatik, Artiako Lagunak auzo plataformak bultzatuta. Martxa honen asmoa Irungo Udalak eta aldundiak auzorako dituzten planek ezkutatzen dutena ezagutzea da. “Ahotsa duen eta isiltzen jarraitu nahi ez duen Artia baten egia eta errealitatea ezagutzeko ibilaldia da”.
Hirigintza planak eta mehatxuak, mugikortasuna eta irisgarritasuna, espazio publikoak, aparkalekua eta TAO guneak, berdegune eta zuhaitzen kudeaketa eta ZAISAri buruz inork aipatzen ez dituzten datuak eta plataforma logistikoak osasunean eta ingurumenean dituen ondorioak izango dituzte hizpide.
Arenas Carrillo autobus geltokian egin dute hitzordua 11:00etan eta auzoari buelta eman eta gero, 13:00etan Konpantzia uhartearen aurrera iritsiko dira, Lastaola Postetxea karrikara hain zehazki. Izan ere, udalak 150 etxebizitza eta lurpeko aparkalekuak eraikitzeko asmoa du bertan.
Dena den, geldialdi bakoitzean elkartzeko aukera egongo da, eta honako hauek dira geltokiak: Juan Thalamas Labandibar kalea, Pasquier-Recondo kalea, Belartzako aparkalekua, Artigako Aritza kalearen haritza, Toki Alai Institutua eta ZAISA eta Artia parkea.
Juan Thalamas Labandibat kalean gehienezko abiadura 30 km/h-ko gehienezko abiadura murrizteko aintzat hartu ez duten mozioari buruzko informazioa emango dute, baita Blaia kalerako asmo dituzten planen gainean ere. Aparkaleku eta mugikortasun arazoei buruzko datuak ere emango dituzte.
Auzoan zer gertatuko den eta zer gertatzen ari den jakiteko era zuzen eta arina dela esan dute, eta edonori zuzendutakoa dela, ez bakarrik auzotarrentzat.
