Txingudi Elkarte Feministak alardea publikoa izatea eskatu dio alkateari
Beharrezkoak diren mekanismoak eta tresnak martxan jartzea galdegin diote Jose Antonio Santanori alardea udalak antola dezan.
Santano alkatea, alarde pribatuari harrera egiten. Txingudi Elkarte Feministak Jose Antonio Santano alkateari eskatu dio behar diren mekanismoak martxan jartzea alardea publikoa izan dadin, “publikoa, berdinzalea eta herritar guztientzat irekia”. Gainera, hausnarketa egin dute azken urte hauetan alkateak gatazkaren gainean izan duen jarrerari buruz.
Alkateak eta berak zuzentzen duen korporazioak duela 23 urte emakumeek herriak berdintasunez parte hartzeko duten eskubidea alde batera utzi izana leporatu diote, eta azaldu dute, berdintasunaren defentsa ekimen partikularrei esker egin dela., “alarde ireki eta berdinzale bat antolatuz”.
Santano “alardea pribatizatzearen bultzatzailea eta defendatzailea” izan dela diote, “mendeetako tradizioari bizkarra emanez, kontuak izanik tradizio hori Irun udalerri gisa eratu aurretik ere bizirik zegoela, eta XIX. mendearen bigarren erditik gaur egungo moduan kontserbatu dituela”.
Azken urteetan izan duen jarrera ez dutela ulertzen adierazi du elkarteak, gizartea eraldatzen ari dela baitiote eta ez du emakumeen eskubideen defentsako norabidea hartu. Baina, elkartea ziur dago alardea berreskuratzeko unea dela eta horretarako behar diren mekanismoak eskatu dituzte.
“Gogora ekarri nahi dizugu gure ordenamendu juridikoan eta, bereziki, gure Autonomia Estatutuan xedatutakoa bete behar duzula, zehazki, botere publikoek pertsonen eta taldeen berdintasuna benetakoa eta eraginkorra izateko baldintzak sustatzeko eta oztopoak kentzeko betebeharra dutela ezarrita dagoelako”.
Kanpaina
Txingudi Elkarte Feministak alarde publiko eta berdinzale bat aldarrikatzeko kanpaina bat abiatu du. Izaga kalean duten 9. zenbakiko atarian eros daiteke kamisetak, poltsa edo katalogoan ikus daitekeena.
Ezarritako prezioak honako hauek dira.
