Hilaren 12an zozkatuko dituzte Solas Jolas programako zerrendak
12:00etan egingo dute zozketa, udaletxeko bilkura aretoan, eta emaitzak 15:00etatik aurrera egongo dira ikusgai, udalaren webgunean.
Irungo Udaleko Euskara sailak jakinarazi du hilaren 12an (asteartea da) zozkatuko dituztela aurtengo Solas Jolas programako zerrendak. Beraz, 2020ko edizioan parte hartzeko izena eman duten gurasoak adi egon daitezela.
12:00etan egingo dute zozketa, udaletxeko bilkura aretoan, eta emaitzak 15:00etatik aurrera egongo dira ikusgai, udalaren webgunean. Bestela, 943 50 51 52 telefono zenbakira deituta jaso daiteke informazio hori.
Plaza bera zozketatu ordez, izena emateko hitzorduak zozketatzeko asmoa du udalak, hortaz, aurrez izena epe barruan eman duten eta programan parte hartzeko baldintzak betetzen dituztenen artean plaza aukeratzeko hitzorduak zozketatuko dira. Zozketaren ondoren titularrek hitzordua jasoko dute, baita behin betiko inskripzioa egiteko erabili beharko dituen sarrera gakoak ere, baldin eta beste norbaitek egiten badu.
Inskripzio horiek internet bidez egin beharko dira, Irun Txartela baliatuta, HAZ bulegoan, hilaren 19tik 28ra.
