Ertzaintzak lan-jardunaldi bat egin du Irunen, "emakumeen aurkako indarkeriaren gaia hobeto koordinatzeko"
Indarkeria matxistaren arloan lanean ari diren eskualdeko erakunde publikoek arazo honi aurre egiteko egindako lana bateratu dute. Hainbat esperientzia jarri dituzte mahai gainean.
Ertzaintza Irungo Justizia Jauregian erakundeen arteko koordinazio bilera bat egin berri dute, Ertzaintzak deituta. Honetan, indarkeria matxistaren arloan lanean ari diren eskualdeko erakunde publikoek arazo honi aurre egiteko egindako lana bateratu dute. Hainbat esperientzia jarri dituzte mahai gainean, zehazki, emakumeen kontrako indarkeria kasuak artatzean erakundeek aurre egin behar izaten dieten zailtasunekin lotutako gaiak aztertu dituzte.
Honako gaiak landu dituzte: protokolo ezberdinak, indarkeria bikarioa jasaten duten adingabeei erakundeek ematen dieten tratua, epaitegietako erreferentziako irudiak, larrialdietako mediku zerbitzuen balorazioa eta koordinazioa, biktimari arreta emateko gizarte zerbitzuek egiten duten lana eta delitu ekintza horien prebentziorako analisi akademikoa.
Jardunaldian ondorengoek parte hartu dute: Ane Fadrique Irungo Genero Indarkeriaren arloko Epaitegiko epaileak, Natalia Perez eta Maria Jose Dominguez Irungo Gizarte Zerbitzuetako genero indarkeriaren arloko erreferentziako koordinatzailea eta gizarte langilea; Xabier Ruiz de Azua Hondarribiko Gizarte Zerbitzuetako genero-indarkeriaren arloko koordinatzailea eta arduradunak; Ainhoa Solla, Osakidetzako larrialdietako medikua eta genero-indarkeriaren arloko erreferentea; eta Amaia Biain, Osakidetzako larrialdietako erizaintzako laguntzaileak; Eider Oregui, UPV/EHUko Hezkuntza Fakultateko dekanordea eta Hezkuntza Fakultateko irakasle ikertzaileak; Joana Miguelena, abegi-etxeetako boluntario-programen koordinatzailea eta UPV/EHUko Hezkuntza Fakultateko irakasle ikertzaileak; Candy Navarro, Irungo Ertzain-etxeko genero-indarkeriaren arloko ertzainak; eta Iñigo Bengoetxea, Irungo Ertzain-etxeko Herritarren Segurtasunaren ataleko burua eta genero-indarkeriaren arloko arduradunak.
