Asteartean banatuko dituzte Irun Ekintzan Sariak
Iazko hutsunearen ondoren, emanaldi berezia izango dela aurreratu du udalak. Musika eta antzerki emanaldi batekin biribilduko dute aurtengoa.
Dena prest dute aurtengo Irun Ekintzan Sarietarako. Berezia izango da gainera, iazkoa bertan behar utzi behar izan baitzuten. “Dena orain arte bezala bada eta normaltasuna berreskuratzen jarraitzen badugu, hitzordu honetan aukera izango dugu, pandemiaren hilabete gogorrenak atzean utzita, elkar ikusteko eta, gauza garrantzitsua, enpresa eta autonomo ugarik egin behar izan duten lana aitortzeko”, esan du Miguel Angel Paez ordezkariak.
Musikak girotuko du sari banaketa, Chicken farmers talde irundarraren eskutik. Horrez gain, emanaldi artistiko bat ere egongo dela aurreratu du udalak.
Aurreko edizioetan bezalaxe, lau sari banatuko dituzte, ondorengo kategorietan:
-
Berrikuntzaren Irun Ekintzan merezimenduzko saria, 20 langile baino gehiagoko Irungo enpresentzat.
-
Berrikuntzaren Irun Ekintzan merezimenduzko saria, 20 langile baino gutxiagoko Irungo enpresentzat. 4.000 euro.
-
Berrikuntzaren Irun Ekintzan saria, Irungo zerbitzu-enpresentzat. 4.000 euro
-
Ideia berritzaile onenaren Irun Ekintzan saria. 2.000 euro.
