Poxpologile kalea berrurbanizatzeko lanak martxan jartzeko proposatu du EAJk
Ikust Alaien bigarren faserako inbertituko dituzten bi milioi eurotatik 1,5 Poxpologile kalea berrurbanizatzeko bideratzeko eskatu dute jeltzaleek, Ikust Alairena "prozesu luzea" izango baita haien ustez.
Xabier Irridoy eta Jose Corchon EAJko bozeramaileak eta zinegotziak Ostiraleko (hilak 25) udalbatzan Udal Gobernuak COVID-19ari aurre egiteko funtsetatik 2,1 milioi euro gehituko ditu udal gastuan. Bi milioi horiek Ikus Alaia Udal Liburutegiaren bigarren faserako erabiliko dituzte, eta EAJ taldea, “bi milioi euro horien erabilera hobeago bat” proposatu du.
Izan ere, jeltzaleek diote Ikus Alairen proiektuaren lizitazioa, lanak esleitzea eta martxan jartzea “prozesu luzea” izango dela, eta ondorioz, aurten ez dela denborarik izango proiektuaren bigarren faseko inbertsio hori egiteko. Bi urtetan zatituko baitu udal gobernuak proiektua, milioi bat euro inbertituz aurten, eta bestea 2023an. “EAJren ustez hau ez da kudeaketa eraginkor bat egitea. Batez ere, aurten, beste lan batzuk asteko aukera dagoenean”.
Horregatik, Ikus Alaiari esleitutako zenbatekoa 500.000 eurora murriztea proposatu dute jeltzaleek, eta 2023 urterako 1,5 milioi euro horiek “konpromiso gisa berrezartzea”. Ondorioz, “proposamen eraginkorrago eta anbiziosoagoa” proposatu dute: Ikust Alaia leheneratzeko milioi erdi izendatzea eta gainerako milioi erdi horiek Poxpologile kalea berrurbanizatzeko bideratzea. “Poxpologile kalea aspaldidanik, irisgarritasun, espaloi eta asentamendu arazoak dituen kalea da. Eta orokorrean, Poxpologilek urte asko daramatza hondatze egoeran”, esan dute taldekoek.
Gogoratu dutenez, proiektu hori idatzita dago jada, “berehala martxan jartzeko prest” dago jeltzaleen ustez. “Une honetan egokia den eta beharrezkoa den interbentzioa da”, erantsi dute.
