2021ean jaiotako haurrek opari berezia jasoko dute
Urtero bezala, 'Gorosti bat elkarrekin hazteko' egitasmoa antolatu du udalak. Martxoaren 19an gorosti eta ipuin bana jasoko dute etxeko txikienek.
2021ean jaiotako haur irundarrek gorosti bat jasoko dute, urteroko Gorosti bat elkarrekin hazteko egitasmoaren barruan. Martxoaren 19an jasoko dute gurasoek gorostia, baita ipuin tematiko bat ere. Udaletxeko arkupetan egingo dute ekitaldia.
Egitasmoan parte hartzeko beharrezkoa izango da aurretik izena ematea, udalaren webgunearen bidez edo 010 telefono zenbakira deituz. Hilaren 27a (igandea da) izango da izena emateko azken eguna. “Tramite erraza da oso, eta asko lagunduko digu zehatz-mehatz jakiteko zenbat jende etorriko den”, azaldu du udalak.
Txandak zehaztu ondoren, partaide guztiek posta elektroniko bat jasoko dute, hitzorduarekin.
