#HELErregularizazioa kanpainarekin bat egin du Erletxeak
Espainiako Estatuan bizi diren 500.000 migranteen erregularizazioa eskatzeko sortutako kanpaina da. Sinadura bilketa egingo dute lokalean.
Migranteak artatzeko kontigentzia plan berezia prestatu du Jaurlaritzak udaran. Azken hilabeteotan kolektibo antiarrazista eta migrante talde ugarik bultzatutako #HELErregularizazioa kanpainarekin bat egin berri du Irungo Erletxeak. Espainiako Estatuan bizi diren 500.000 migranteren erregularizazioa eskatzeko sortutako mugimendua da eta dagoeneko 600.000 sinadura lortu dituzte.
Bada, Irunen ere mugimenduarekin bat egiteko aukera emango du Erletxeak, sinadurak jasotzeko puntu finko izango baita arreta gunea. Astelehenero (12:00etatik 13:00etara) Kale Nagusian duten lokalean (5. zenbakia) bertaratu daiteke. Internet bidez ere egin daitekeela jakinarazi du Erletxeak, lotura honetan.
Era berean, azken egunetan Irungo Harrera Sarearekin konpartitzen duten lokalak jasotako erasoa salatu nahi izan dute. Aste honetan ‘Inmigracion, la ruina de España’ esaldia daraman pegatina bat agertu da lokalaren atarian. “Jarrera hauek gure herrian ere ematen dira, eta arrazakeria eta xenofobia presente daude egun, LGTBI+ mugimenduaren alde egindako muralak jasotako erasoan ikus daitekeen bezala”, esan dute amorruz.
