Pertsona bat atxilotu dute droga trafikoagatik
Ertzaintzaren arabera, 40 gramo kokaina eta baskula bat atzeman diote taberna batean.
Ertzain bat. Ertzaintzak 45 urteko gizon bat atxilotu zuen atzo, ustez 40 gramo kokaina eta zehaztasunez pisatzeko baskula bat ezkutatzen ari zela. Ertzaintzaren arabera, 19:30 aldera San Migel auzoko taberna batera sartu ziren bi agente ustezko lapur baten atzetik. Tabernan sartu bezain laster, beste gizon baten jarrera “susmagarria” ikusi zutela gaineratu dute, presaka alde egin zuela eta lokaleko eskailera batzuetatik igo zela.
Ertzainek zerbait ezkutatu ote zioten galdetu zioten gizonari, eta berak hasieran gezurtatu zuela adierazi bazuen ere, ondoren, droga ezkutatu zuela onartu zuela adierazi du Ertzaintzak. Agenteak goiko pisura igotzean, kartoizko kaxa batzuetan artean topatu zuten kokaina zuen poltsatxoa. Horren aurrean atxilotu egin zuten gizona, eta, gaur, agintario judizialen aurrera eraman dute.
