"Irungo garapen ekonomikorako" 20 milioi euro inbertituko ditu Eusko Jaurlaritzak
Irungo EAJk begi onez ikusi eta pozez jaso du albistea, "inbertsio honek Irungo industria eta hiriaren eraldaketa ekonomikoa bultzatuko baitu" haien ustez.
Ezinbestekoa ez den jarduera ekonomikoari heldu diote berriz ere hainbat enpresek, nahiz eta kasu gehienetan, lan karga txikia duten. Jaurlaritzako Ekonomia Garapen, Jasangarritasun eta Ingurumeneko sailburu Arantxa Tapiak Irunen beste diru inbertsio bat egingo dutela iragarri berri du. Orotara 20 milioi euro bideratuko dituzte, haren hitzetan, “Irungo garapen ekonomikorako”.
Irungo EAJk begi onez ikusi eta pozez jaso du albistea, “inbertsio honek Irungo industria eta hiriaren eraldaketa ekonomikoa bultzatuko baitu” haien ustez. “Irunentzat oso albiste ona dela uste dugu, Eusko Jaurlaritzak Irunekin eta irundarrekin izan duen eta izaten jarraituko duen konpromisoa berresten baitu”.
Hiru ekintza nagusi egingo dituzte inbertsioarekin: 2021ean erosi ziren Araso Industrialdeko lursailetan, 5,8 milioi euroko inbertsio gehigarri bat egingo dute, 2023 urtetik aurrera egingo diren eraikuntza inbertsioetarako; 7 milioi euro bideratuko dituzte Araso Industrialdeko bi partzela erosteko; eta 7 milioi euroko inbertsioa egingo dute Hiframasa eta Cycobask pabiloi zaharren lurzorua leheneratzeko, eta ondoren bertan pabiloi berriak eraikitzeko.
Jarduera horiek 2024an bukatzea aurreikusi du jaurlaritzak.
