Ostiraleko protestara deitu dituzte eskualdeko herritarrak
Enegarrenez, bloke kirurgikoa birmoldatzeko obrak gelditzeko eskatuko dute. "Hitz egiteko eskatzen diogu jaurlaritzari, herritarrak eta haien beharrak kontuan har ditzatela".
Ostiral honetan (hilak 28) Bidasoa Ospitalean bertako langileek egingo duten protestara gonbidatu dituzte herritarrak. Beste behin bloke kirurgikoa birmoldatzeko obrak gelditzeko eskatuko dute. “Hitz egiteko eskatzen diogu jaurlaritzari, herritarrak eta haien beharrak kontuan har ditzatela”, esan zuten joan den ostiraleko mobilizazioan. 14:00etan bilduko dira, ospitalearen atarian.
Datozen ostiraletan protesta berbera egiteko asmoa dute osasun langileek, eta martxoaren 19an manifestazioa egingo dutela iragarri dute, “eskualdea eta herritarrak jasaten ari garen diskriminazioa salatzeko”.
