Eusko Jaurlaritzaren erantzunaren zain, Berak ospitalean jarraitzen du
Martuteneko espetxeak hirugarren gradua proposatu du Irungo presoarentzat. Joan den ostiralean bihotzekoa izan zuen, eta Donostiako ospitalean dago, orain, plantan.
Beraren egoera salatu dute. Martuteneko espetxeko Tratamendu Batzordeak aho batez Francisco Jose Ramada Bera irungo euskal presoarentzat hirugarren gradua proposatu duela argitaratu du Naiz atariak. Bidasoko Sareko iturriek gauza bera jakinarazi diote HITZAri. Asteartean izan zuten Ramadaren osasun egoeraren gaineko azken berriak, eta “plantan dagoela eta egonkor” adierazi du Sarek.
Beraren abokatuen arabera, orain, Eusko Jaurlaritzari dagokio hirugarren gradu hori berrestea, eta “ahalik eta lasterren” egitea espero dute, egoerararen larritasuna dela eta.
Ostiralean izan zuen bihotzekoa Berak Martuteneko espetxean zela. Bihotzekoaren eraginez, buruan kolpe bat jaso zuen, eta Donostiako Ospitaleko ZIUan ingresatu zuten. Handik hurrengo egunean, plantara eraman zuten, eta geroztik han dago.
58 urte ditu Ramadak, eta 21 urte darama espetxean. Kondenaren hiru laurdenak 2020ko irailean bete zituen. Egun hauetan, Bidasoko Sarek hainbat adierazpen egin ditu Berari hirugarren gradua emateko eskatuz. Hala, igandean, Irungo Justizia Auzitegi nagusiaren aurrean elkartu ziren.
