Hiriko kiroldegietan abonatzeko kanpaina luzatu dute
Otsailaren 18a izango da matrikulatzeko azken eguna. Abonatu berriek %100eko deskontua izango dute.
Udalak jakinarazi berri duenez, Artaleku eta Azken Portu kiroldegiek luzatu egin dute abonatu nahi dutenentzako kanpaina. Hasiera batean ostirala (hilak 21) zen azken eguna, baina otsailaren 18ra arte luzatzea erabaki dute. Kanpaina berezi honen arabera, abonamenduan alta ematen duten irundar guztiek %100eko deskontua izango dute matrikulan.
Matrikula ordainduko dutenei ere abonamendu berezia eskainiko diete. Hala, guraso abonatu bat duten haurrek 43,16 euro aurreztuko dituzte, eta helduek aldiz, 77,65 euro. Alegia, abonatu berriek matrikula oso aurreztuko dute, eta beren abonamendu motari dagokion hiruhileko kuota ordaindu beharko dute bakarrik.
Altak, udalaren webgunean edo Irun Txartela baliatuz egin daitezke.
