'Soinua soinean' musika tailerra eskainiko du Musergok
Hilaren 15ean (larunbata) izango da tailerra, doan, Menchu Gal aretoan. Saioak Javier Sagarzazu pintorearen obra hartuko du oinarri.
Mursegok jatorrizko musika onenaren Goya saria irabazi zuen 2021ean Arantzazu Callejarekin. 
Hilaren 15ean, larunbata, Maite Arroitajauregi Mursego artistak Soinua soinean musika tailerra eskainiko du Menchu Gal aretoan. Saioak gorputza eta soinua izango ditu ardatz, eta Javier Sagarzazu pintorearen obran oinarrituko da.
Aste honetan zehar areto horretan bertan ikusgai dago Sagarzazuren lana; horri oinarri, musika eta artea konbinatuko ditu Musergok, koadroen interpretazio librea eginez.
Tailerra euskaraz emango du, 10:00etan hasi eta 14:00ak arte. Izena emateko epea bihartik hilaren 14ra arte egongo da zabalik Irungo Udalaren webgunean.
