Iaz Euskal Herrian hildako zazpi migranteak gogoratu ditu Kontseilu Sozialista Bidasoak
Omenaldia egin zieten joan den igandean Etorbidearen zubian. Migranteak gogoratzeaz gainera, iaz Euskal Herrian lanpostuan bizia galdutako langileak eta indarkeria matxistak eraildako emakumeak ere omendu zituzten.
Etorbidearen zubian egin zuten omenaldia. Iaz Euskal Herrian bizia galdu zuten migranteei omenaldi berezia egin zien joan den igandean Bidasoko Kontseilu Sozialistak, Etorbidearen zubian egindako ekitaldi batekin.
Azken hilabeteetan Euskal Herrian hil diren zazpi migratzaileak gogoratu zituzten. Horietako hiru Bidasoa ibaian hil dira (lehena maiatzean, bigarrena abuztuan eta hirugarrena azaroan), Hendaiara igerian pasatzen ari ziren bitartean eta migrante batek bere buruaz beste egin zuen joan den apirilean. Gainerako hiruak Ziburun (Lapurdi) hil ziren urrian, trenak harrapatuta.
Migratzaileak omentzeaz gainera, iaz Euskal Herrian lanpostuan bizia galdutako langileak eta indarkeria matxistak eraildako emakumeak ere izan zituzten gogoan.
